منتديات سما الروح العراقية
مرحبا بكل الاخوه والاخوات ندعوكم نحن اسرة سما الروح للتسجيل ونتمنى لكم امتع الاوقات اهلا وسهلا بكم جميعا........تحياتي المدير العام ABO JMANH

منتديات سما الروح العراقية

منتديات سما الروح العراقية
 
الرئيسيةالاهداءمكتبة الصورقائمة الاعضاءالتسجيلدخولمركز رفع الصور

شاطر | 
 

 زعـــلان انا مــنك وابــد مــا احــاجـــيك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ABO JMANH
مؤسس الموقع
مؤسس الموقع


عدد المساهمات : 320
تاريخ التسجيل : 12/02/2010
العمر : 36
الموقع : منتديات سما الروح العراقية

مُساهمةموضوع: زعـــلان انا مــنك وابــد مــا احــاجـــيك   الثلاثاء 16 مارس 2010 - 2:19

زعلان انه منك وابد ما حاجيك
ماريدن احبك بطلت اهواك
انساك ابقه احاول وانسه تعب الروح
ولو ادري جذب ما اكدر انه انساك
عشت وياك دمعه وما ضحكت هواي
وما شفت الفرح لسبوع ابد وياك
تعرفني ولك يفلان كلش زين
وتدريني شكثر اتحيير بملكاك
ياسر البواجي والدمع بالعين
يا دفتر شعر وك معرفت اقراك
ارعاك بوريدي وتشعل انت دماي
رغم كل هذا واتصبر وارد أرعاك
اكتل وكتي لجلك حته اجيلك شوك
ولامهتم اشوفك بييه لا مشتاك
تضل تحجي ويه غيري تضحك وفرحان
( واخوي تكلي هاذ وتبتسم عيناك )
من كل البشر وك انه اغار اعليك
من امك وابوك وربك السواك
ما اكدر بعد حدي انختم لهنااا
ضل عايش حياتك بين هاذ وذاك
لتفكر بعد شاعر يوصفك يوم
محد مثلي يوصف شكلك الفتاك
محد مثلي يوصف عينك ورمشيك
يامن الخمر ربك شهد صفاك
لتفكر بعد شاعر يوصفك يوم
ومثل تاج الملك فوك الغزل خلاك
من شعرك وصفتك انه حد رجليك
وصلت المشيتك .. صاب القلم ارباك .
ذبيت القلم وبلا قلم كتبـــــــــــــيت
قطيت انه اصبعي ووصفت ممشاك
انطيتك عشك بس الك حب انطيت
اتراهن انه ومحد ابكدي انطاك
اذا عينك بجت اكلب جروحي بساع
وادرولك ضحك بييه واكلك هاك
كلشي تلزمه بيدك جنت اضمه وياي
كاغد عندي منك احفضه لذكراك
واليوم اليمر وما اشوفك بي
احضن الكاغد انه وما احس بفراك
حته ويه الحلم لازم اشوفك طيف
واذا اضيعك اغمض بالجفن الكاك
كل هاي المحبه وماتحن شبيك ؟!
ولا مره اغلطت او قصرت وياك
ما اكدر بعد حدي انختم لهناا
ضل عايش حياتك بين هاذ وذاك
زعلاااااان انه منك بعد ما احاجيك
ماريدن احبك بطلت اهواك
انساك انه احاول وانسه تعب الروح
ولو ادري جذب للموت ما انساك



تـــــــحـــياتـــي الـــــكم

_________التوقيــــــــع________
الرجوع الى أعلى الصفحة اذهب الى الأسفل
http://samaalrooh.4rumer.com
لم يعد صدر الحبيب موطني
مشرف عام


عدد المساهمات : 300
تاريخ التسجيل : 15/02/2010

مُساهمةموضوع: رد: زعـــلان انا مــنك وابــد مــا احــاجـــيك   الجمعة 19 مارس 2010 - 0:17

كلمات دمعت عيناي لاجلها سلمت اخي العزيز ودمت ابداعا تقبل مروري المتواضع في صفحتك الجميلة

_________التوقيــــــــع________
الرجوع الى أعلى الصفحة اذهب الى الأسفل
دينا
عضو نشط


عدد المساهمات : 38
تاريخ التسجيل : 17/02/2010

مُساهمةموضوع: رد: زعـــلان انا مــنك وابــد مــا احــاجـــيك   الأحد 21 مارس 2010 - 0:40

الله الله كلمات دخلت صميم القلب وقطعت اجزائه !!!

تسلم يداك الي كتبت كل حرف عبر عن كثير شغلات

مشكور عيوني
الرجوع الى أعلى الصفحة اذهب الى الأسفل
 
زعـــلان انا مــنك وابــد مــا احــاجـــيك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سما الروح العراقية :: منتدى الشعر العربي الفصيح والشعر الشعبي العراقي-
انتقل الى: